ଯଦି ବିବାହ ମୁଁ କରିଥାନ୍ତି
ନିର୍ବନ୍ଧ ଠାରୁ ହନିମୁନ ଯାଏଁ
ସୋସିଆଲ ମିଡିଆରେ
ଲାଇଭ ଦେଖାଇ ଥାଆନ୍ତି
ଯଦି ବିବାହ ମୁଁ କରିଥାନ୍ତି !
ରାମୋଜି, ଉଟି,ଗୋଆ,ପୁରୀ
ଫଟୋ ଫେସବୁକେ ଛାଡି
"ନାଇସି କପୁଲୁ", " ବେଷ୍ଟ ଯୋଡି"
କମେଣ୍ଟେ ଗୋଟାଉଥାନ୍ତି
ଯଦି ବିବାହ ମୁଁ କରିଥାନ୍ତି !
ସାବିତ୍ରୀ, ସୁଦଶା,ମାଣବସା
କେତେ ଯତନେ ମୁଁ କରିଥାନ୍ତି
ରୋନା,ଦିପା, ସ୍ୱପ୍ନା ଠାରୁ ଆଗେ
ହ୍ଵାଟ୍ସଆପ ଷ୍ଟାଟସ ମୁଁ ରଖିଥାନ୍ତି
ଯଦି ବିବାହ ମୁଁ କରିଥାନ୍ତି !
ଆଣ୍ଠେଇ ପେଟେଇ ଛୁଆ ମୋର
ଚାଲି ଶିଖିଥାନ୍ତା ଅନଲାଇନି
ଜନମରୁ ଅନ୍ନପ୍ରାସନ ଅବଧି, ଯଥେଷ୍ଟ
କାଟିବାକୁ ,ମମି- ଡାଡି ର ପପୁଲାରିଟି
ଯଦି ବିବାହ ମୁଁ କରିଥାନ୍ତି !
ସେ କହୁଥିବେ, ଝିଅ ବୈଜ୍ଞାନିକ ହେବ
ମୁଁ କହୁଥିବି ହିରୋଇନି
ରୋହନ ମମି ଡିମ୍ପଲ ମମି ସହ
ନିଇତି ପ୍ରତିଯୋଗିତା ମୁଁ କରୁଥାନ୍ତି
ଯଦି ବିବାହ ମୁଁ କରିଥାନ୍ତି !
©ପଲ୍ଲବୀ
୦୫.୦୪.୨୦୧୯
No comments:
Post a Comment