କେଉଁ କବି କେବେ କାହାକୁ କେତେ
ବୁଝାପଡିଛି ଯେ,
ମୁଁ କହିଦେବି, ମୋତେ
ମୋ ପ୍ରେମକୁ, ଘୃଣାକୁ, ଲୁହକୁ, ହସକୁ
ବୁଝିଯାଅ !
ଗଣି ପୋଛି ମୋତେ
ହେଜିଯାଅ, ହଜିଯାଅ
ଶବ୍ଦ ଶବ୍ଦରେ ଭାବ ଭାବରେ
ଫେଣ୍ଟିଆ ଫେଣ୍ଟି କରି
ମଜିଯାଅ !
ଭାଷା ପ୍ରେମ, ଶବ୍ଦ ପ୍ରୀତି,
ହଜେ,ଖୋଜେ, ଖୋଜେ, ହଜେ
ଭିଜେ, ମଜେ, ମଜେ, ଭିଜେ
ପାଗେଳି କହିବ ତ
କହିଯାଅ !
ପାଦେ ପାଦେ ଅନଳ
ପଦେ ପଦେ କୋଦାଳ
ବୋଳା ତନୁ ଗୋଳା ବାରୁଦ
ନିଜେ ଜାଳି ଜଳୁଛ ଯଦି
ଜଳିଯାଅ !
ବନ୍ଧା, ଓଲ, ଫୁଲ ନୁହଁ ମ
ମାଟିରୁ ଆକାଶ, ଆକାଶରୁ ମାଟି
କବିତାଟେ ମୁଁ
ପାରିବ ତ, ଫର୍ଦ୍ଦ ଫର୍ଦ୍ଦ କରି
ପଢ଼ିଯାଅ !
- ୧୬.୧୦.୨୦୧୯
No comments:
Post a Comment