- ପୂଜା ! ପୂଜା !
- ଯାଉଛି .....କ'ଣ ହେଲା?
- ତମକୁ କେତେଥର କହିବି, ଆଇରନ କରିବା ପରେ ମୋ ଡ୍ରେସକୁ ଏମିତି ଭାଙ୍ଗିଭୁଙ୍ଗି ଥୋଇବନି !
- ଓଃ, ସରି ସନ୍ଦୀପ୍ ! ମୁଁ ପୁରାପୁରି ଭୁଲିଯାଇଛି ।
- ବୋଉ କିନ୍ତୁ ଭୁଲେନି ! ହ୍ୟାଙ୍ଗରରେ ରଖିଦିଏ ।
★★★
- କେତେ କଣ ଆଇଟମ କରି ପକେଇଛ ତ... ଆଜି କଣ କି?
- ଗର୍ଭଣା ସଂକ୍ରାନ୍ତି ପା' । ତମ ଫେଭରାଇଟ ଘାଣ୍ଟ ତରକାରୀ କରିଛି । ଚାଖିକି କହିଲ କେମିତି ହେଇଚି ! ବୋଉଙ୍କ ଠାରୁ ଫୋନରେ ଟିକିନିକି ବୁଝିକି କରିଛି ଯେ....
- ହୁଁ !
- କେମିତି ହେଇଚି?
- ଚଳିବ !
- ମାନେ....ଭଲ ଲାଗୁନି କି?
- ଆରେ ....ବୋଉ ପରି ଘାଣ୍ଟ, ଆମଘରେ ଆଜି ଯାଏ କେହି କରିପାରିନାହାନ୍ତି ! ତା' ହାତ ହିଁ କିଛି ସେମିତି । ସମସ୍ତଙ୍କଠାରୁ ଅଲଗା ।
★★★
- ଆଚ୍ଛା... ଆଜିର ଡିନର୍ ପ୍ଲାନ କଣ?
- ତମେ କୁହ !
- ବହୁତ ଦିନରୁ କ୍ଷୀରି ଖିଆ ହେଇନି ।
- ହଉ ତେବେ ପୁରୀ, କ୍ଷୀରି, ମଟର ତରକାରୀ ବନେଇଦେଉଛି ।
- ନା ନା, ପୁରୀ ବହୁତ ଅଏଲି ! ଗୋଟେ କାମ କର, ପରଠା ବନେଇଦିଅ । ଆଉ ହଁ ତେଲ କମ୍ ।
- ଓକେ !
- ଶୁଣ ମଟର ଦରସିଝା ରଖିବନି । ବୋଉ ଟିକେ ଫିଟେଇଦିଏ । ମସ୍ତ ଲାଗେ ।
- ଆଚ୍ଛା ହଉ ।
- ହଁ କ୍ଷୀରିରେ ଚିନି ସିଧା ଢାଳି ଦେବନି । ସିରା ବନେଇକି ପୁରା ଶେଷରେ କ୍ଷୀରିରେ ମିଶେଇବ । କାହିଁକି ନା...
- କାହିଁକି ନା ଏଇଟା ବୋଉଙ୍କ ଷ୍ଟାଇଲ । ଓକେ ବାବା ମୁଁ ଧ୍ୟାନ ରଖିବି ।
- ହଁ, କଲର୍ ଭଲ ଆସେ ସେମିତି କଲେ ।
★★★
-ସାଣ୍ଡୁଲୁ .....ଏଇ ନିଅ, ବୋଉଙ୍କ ଷ୍ଟାଇଲ ଗରମା ଗରମ ପରଠା, ମଟର ତରକାରୀ ଆଉ କ୍ଷୀରି, ଏବେ ତୁମ ସାମ୍ନାରେ ହାଜିର୍ ।
- ଶୁଣ ! ନର୍ମାଲ ଓଡ଼ିଆ କୁହ ! ଏ ଟିପିକାଲ୍ ଓଡ଼ିଆ ଶୁଣିକି ଯାତ୍ରା ପରି ଲାଗୁଛି । 'ସାଣ୍ଡୁଲୁ ' କେବଳ ବୋଉ ଡାକିଲେ ଭଲଲାଗେ !
ଏତେ ଗୁଡାଏ ପାଠ ଇଂରାଜୀରେ ପଢ଼ିସାରିବା ପରେ 'ଚେୟାର୍' ପରିବର୍ତ୍ତେ 'ଚୌକି', ଯାତ୍ରା, ଏବଂ 'ଟେବୁଲ' ପରିବର୍ତ୍ତେ 'ମେଜ', ଅଭଦ୍ର ଭାଷା ପରି ଲାଗିବା ଆଜିକାଲି ଅତି ସାଧାରଣ କଥା ....ବାସ୍ ପୂଜାର ପିଲାଳିଆମୀ ଏତିକ ବୁଝିବାରେ ବିଳମ୍ବ କରିଦେଇଥିଲା ।
No comments:
Post a Comment