କ'ଣ କହୁଛୁ
ଜହ୍ନ ହେଇ ଆକାଶରେ ଋଷିବୁ?
ମନେଇବିନି
ସାରାରାତି....
ପାହିଲା ବେଳକୁ ତୋ ରାଗ ନଥିବ ।
କ'ଣ କହୁଛୁ
ଲହରୀଟେ ପରି ଛୁଇଁ ଦେଇ ଚାଲିଯିବୁ?
ରାଣଦେବିନି
ଜାଣେ....
ତୁ ପୁଣି ପାଖକୁ ଫେରିଆସିବୁ ।
କ'ଣ କହୁଛୁ
ପ୍ରହରୀ, ନିଜେ ହବୁ ନା ଦାୟିତ୍ୱ ସମ୍ପିବୁ?
ପବନ ବି ପଶିବନି
ନା, ଡରନି...
ସିଗାରେଟ୍ ମୋତେ ଫୁଙ୍କି ଆସେନି ।
କ'ଣ କହୁଛୁ
ମୋ ନାଁ ରେ ଏତେଲା ଦବୁ?
ଯାଃ ,
ନିରବତାରେ...
ତୋ ଭଗବାନ ବି ମୋତେ ପାରିବେନି ।
ଏ ଶୁଣ୍ !
ତୋ ପାଇଁ ଗୋଟେ ଖୁସି ଖବର
ପ୍ରଥମେ "ସରି" ତୁ କହିବୁନି
ତୋ ହସ ଛଡା
ଅନ୍ୟ କିଛି ମୋର ମନେରହେନି ।
No comments:
Post a Comment