ବାହାରେ ନିର୍ଧୁମ ବର୍ଷା
ଘଡଘଡି ଚଡଚାଡ
ତମ ତାଗିଦ୍ ନାହିଁ
ଝର୍କା ବନ୍ଦ କରିବାକୁ ମୁଡ୍ ନାହିଁ !
କମ୍ପିଲାଣି ଓଠ
କିଛି କଥା କିଛି ବ୍ୟଥା
ଶୁଣିବାକୁ ତମେ ନାହଁ
ଗପିବାକୁ ମୁଡ୍ ନାହିଁ !
ବେସନ ଅଛି
ତେଲ,ପିଆଜ, ଭୁର୍ସୁଙ୍ଗ ପତ୍ର ବି
ତମ ଫର୍ମାଇସ୍ ନାହିଁ
ପକୁଡି ଛାଣିବାକୁ ମୁଡ୍ ନାହିଁ !
କାଠବେଙ୍ଗ ଫକଫକ
ବାରଣ୍ଡାରେ ଚିତି, ଧଣ୍ଡ
ତମ କଟାକ୍ଷ ନାହିଁ
ହାଉଳି ଖାଇବାକୁ ମୁଡ୍ ନାହିଁ !
ଦିହରେ ଖଇଫୁଟା ଜ୍ୱର
ଆଖି ନାକ ସଡ଼ ସଡ଼
ଗେଲବସରିଆ କଥା ତକ ନାହିଁ
ଫୁଲେଇ ହେବାକୁ ମୁଡ୍ ନାହିଁ !
ରାତି ଏବଂ ବୋଉ
ଢେର୍ ବେଳୁ ଗର୍ଜିଲେଣି
ନିଦକୁ ଅପେକ୍ଷା ନାହିଁ
ସ୍ୱପ୍ନ ଦେଖିବାକୁ ମୁଡ୍ ନାହିଁ !
No comments:
Post a Comment